เนื้อเพลง เป็นสาวบ่ทันอ้าย โดย ลูกเกด อรพรรณ

อันว่าฮักพี่ บ่แม่นฮักมื้อนี้มื้อวานเด้อ้าย
ฮักตั้งแต่คราวเล่นดินทราย นำกันกับอ้ายแต่คราวเด็กน้อย
อ้ายหยิกแก้มหยอก จนปากบ่ออกเขินหลายบ่ค่อย
บัดน้องเป็นสาวส่ำน้อย อ้ายพัดไปหลอยมีลูกมีเมีย

ละฟ้าเอ๋ยฟ้าฮ้องเปรี้ยง สวรรค์เบี่ยงบ่เอียงมา
ละวาสนาอีนางตัน โอ้ยใหญ่บ่ทันน้อทางอ้าย
ละห่างกันหลายพี่ชายเอ้ย

โอ๊ยเด้ชายหมายใจซ้อนตั้งแต่นางยังอ่อน
หมายใจซ้อนตั้งแต่นางยังอ่อน
คราวแม่ปั้นข้าวป้อนมาเล่นอยู่เฮือน
อ้ายเป็นเพื่อนเล่นบักยักษ์กินหู
เล่นบักงูกินหางหมู่อีนางคืออ้าย
ชายเทียวเว้าว่าคำแพงของพี่ ชายเทียวเว้าว่าคำแพงของพี่
ฮักอิหลีแม่นน้องมาเทียวย่องแฮ่งเขิน
อ้ายแฮ่งเอิ้นนางกะแฮ่งดีใจ
มาถืกคีงกันหลายพัดใหญ่มาลืมจ้อย

แฮ่งส่ำออยอ้ายต้อยเทียวเว้า
บัดใหญ่เป็นบ่าวน้องกะอยู่ปอสี่
หัวใจน้อเด็กน้อย บ่เคยด่างพลอยนางกะคิดอิหลี
คาดหวังละไว้กับโตพี่ คาดหวังละไว้กับโตพี่
เหลืออีกหลายปีน้องสิใหญ่เป็นสาว

อ้ายได้เข้าพาขวัญป้อนไข่ อ้ายได้เข้าพาขวัญป้อนไข่
นางเลนได้นั่งไห้นำอ้ายวี่วอน ใจกะฮ้อนข้าวกะบ่หากิน
แม่กะถามจนวินแม่นอิหยังนางเอ้ย
เสยเอาไว้บ่เว้าหยังจักอย่าง เสยเสยไว้บ่เว้าหยังจักอย่าง
แนวหัวใจอ้างว้างพอปานฮ้างหมุ่นมี
คำเว้าพี่มาคึดฮำในใจ คำเว้าพี่มาคึดฮำในใจ
นางเป็นสาวพางพ่ายใหญ่บ่ทันเขาส่ำ

มาทำให้ใจซุ่มชื่น พัดเอาคนอื่นนั้นบ่น้อเป็นแฟน
ผลาน้องบ่ได้ควงแขน จบคำว่าแฟนได้แค่น้องบ่เด่
จบคำว่าแฟนได้แค่น้องบ่เด่

สเลเตหอมอยู่กลางบ้าน เจ้าพัดไปบานซอนแซมผู้อื่น
เป็นหยังคือบ่หอมสดชื่น มาบานเหลิงรื่นอยู่เฮือนน้องพี้น้อ
มาบานเหลิงรื่นอยู่เฮือนน้องพี่น้อ

พอคราวได้สิบินคือนกเจ่า พอคราวได้สิบินคือนกเจ่า
คำโบราณเพิ่นเว้าของเฮาแล้วอ่วยมา
ชาตินี้หน่าบ่ได้ฮ่วมเคียงหมอน ชาติหน้าขอซอนชายฮักกันเด้ออ้าย
ใหญ่บ่ทันน้อเขาจ้อยเออ